San Fins - O Ventoux da Paradanta

ALTIMETRIA

LOCALIZACIÓN

Na estrada PO-400, que une Salvaterra do Miño con Filgueira e discorre paralela ao río Miño, aproximadamente no quilómetro 19, xa no concello de Arbo, tómase un desvío á esquerda en dirección a Cabeiras pola PO-5201.

BALANCE

Varias fontes. Faltanlle km
Vistas top. Asfalto regular

FONTES

Arriba de todo na capela ten unha fonte algo pouco comun e de agradecer.

segun por onde subas:

Vertente de Cabeiras: 1 fonte no km 2,4 (zona de Espedregada), aínda que non resulta moi axeitada para parar.

Vertente da Rocha: 1 fonte a uns 3 km do inicio da subida.

Vertente das Laxes: sen información dispoñible sobre puntos de auga.

DESCRICIÓN

Trátase dunha estrada estreita, agás no tramo inicial pola PO-5201, cun firme irregular na maior parte do percorrido, aínda que perfectamente ciclable.

O tráfico é moi escaso, o que permite gozar dunha subida tranquila.

Hai sombra por tramos, aínda que alterna con zonas abertas nas que o sol pode pegar con forza. Ao tratarse dunha área elevada e exposta, o vento tamén pode ser un factor a ter en conta durante a ascensión.

Existen tres vertentes principais que conflúen nun punto común en Vilar, desde onde comparten o tramo final ata a cima:

A de Cabeiras é a máis habitual e tamén a máis dura.

A da Rocha presenta un perfil algo máis irregular.

A das Laxes é a máis longa, pero cunha pendente máis sostida e levadeira.

Este porto ten case todo petadas uns falsos chans e unhas vistas moi top con fonte do cumio.

Un dos puntos negativos deste porto é que o asfaltado non continúa ata a zona dos aeroxeradores. De estar pavimentado ese tramo final, estariamos ante unha subida de gran entidade, perfectamente comparable ás que se poden atopar en probas como o Tour ou o Giro.

MAPA

VIDEOS